اسرار القصر الملعون الحلقه 19
مع الرعب والاثارة🙀🙀🙀🙀🙀 والتشويق💒💒💒💒💒
الحلقه التاسعة عشر 🏰🏰🏰🏰🏰
بقلم أمل الملواني. ...😾😾😾😾
.....مولي.....😻😻😻😻
بسم الله والصلاة والسلام على رسول الله
......وقفنا امس
ان اللى كان في المطبح على هيئة سمعه هو الملك حيتغور وان الأميره هوزغوريس جت وعرفته حاجات كتير منها انها تزوجت ادهم منذ زمن ووافقت ان تكون زوجته في حياته دون الاقتراب منها طبعا هنا في سؤال بس محدش سأله مش مشكله بس هجاوب عليه مع الحلقات
وانك الملك حيتغور كان ناوي يحرق البروفسير بس اللى نفعه الرشاشات بتاعة الحريق في الفندق نبدأ ولا نكمل لا كفايه كده نبدأ في ناس هتموتني بس بحبكم بردوا
........
الأميره لازم امشي حالا الملك بيدور على وقالب الدنيا علي وقبل ما امشى متجبش سيرة جوازي من ادهم فاهم مش وقته خالص
ياسر حاضر انا فاهم متشليش هم
ويجلس يفكر فيما حدث وما سمع
في القاهره
يستيقظ سمعه صباحا ويجلس مع ابيه
الاب ...عملت ايه ياحبيبي في الشغل
سمعه ..اسكت يابابا انا شفت وسمعت اللى عمري ماكنت احلم انه يحصل لي
الأب. ..مش فاهم قصدك الآثار وكده
سمعه ..آثار ايه بس الموضوع اكبر من كده بكتير بس فطروني الأول وانا احكيلك
الأب. ..مفيش فايده فيك بطنك ثم بطنك
سمعه...اعمل ايه جوعان
الاب ....ماشي يابو بطن مامتك بتعمل الاكل قوم زمنها حضرة الاكل
سمعه ...هو ده الكلام ويجلس وسط اخوته وامه وابيه ليشعر بالدفأ الأسري
سمعه. بجد اللمه دي وحشاني اوي
الام ...اللمه بردوا ولا الاكل يابن بطني
سمعه.... اكل ايه ياحجه دنا كلت هناك اكل مكلتوش من سنه فاتت الاكل الصعيدي يرم العظم
الام ...بقه كده ماشي وايه اللى جابك كنت خليك هناك
سمعه...يشعر بزعل امه فهي امه وحبيبته الغالية
سمعه...مقدرش ابعد عن حضنك ياست الكل
وينتهون من الفطار وسط الضحك والمشاكسات من سمعه
ليتكلم الأب. ..اعمللنا الشاي وهاتيه في البالكونه ياأم اسماعيل
الام ...حاضر يابو اسماعيل
الاب يشير لسمعه لكي يذهب معه إلى البالكونه ويجلسون بها
الأب. ..ارغي
سمعه...ارغي كده علطول مفيش تسأل على ولا حاجه
الأب. ..واد انت مليش مراره للمناهده لو مش هتتكلم هقوم اريح ده يوم اجازتي
سمعه...حلاص ياحاج على انا المرادي هتكلم
لتدخل الام بالشاي عيزين حاجه تانيه نازله اجيب شوية طلبات
الأب وسمعه ..لا شكرا ياست الكل
لتتركهم وترحل
يبدأ. .سمعه ويقص على ابيه كل شئ من اول ما راحوا القصر ولكنه لايعلم انه لبس اكتر من مره ولهذا وهو يتكلم مع ابيه جاءته رعشة فانتفض في مكانه ثم جلس ثانية
ليرتعب الأب وخصوصا بعد اللى سمعه من ابنه عن الجن والقصر
سمعه ...خلى سمعه يرجع والا كلكم هتتاذوا
الاب ...وهو في شك ايمزح ابنه معه ام ما هذا
الاب...سمعه اتلم وبلاش رخامه بدل ما اديك كف فاهم
سمعه ...انت لسه مفهمتش طب استحمل ليجد صنية الشاي تقلب عليه دون ان يمسها احد
الاب ...الله يخربيتك يا اسماعيل هببت ايه
سمعه ...ده تحذير خليه يرجع النهارده الاقصر فاهم
الاب وهو يرتجف ..مكانه فاهم فقد تأكد ان هذا ليس صوت سمعه ابنه
لتأتي. ..رجفة لسمعه ثانية ليرى ابوه بهذا المنظر ووجهه شاحب ويرتعش مكانه
ليقف ويقترب من ابيه
الاب ابعد عني هقله عايز مني ايه دي شغلانه مهببه
سمعه. بابا في ايه مالك انت بتعمل كده ليه
الاب....وقد سمع صوت ابنه انت سمعه
سمعه...طبعا يابابا مالك
الأب. ...يقف ويقوم ضارب ابنه بالقلم
سمعه ... ايه الهزار التقيل ده
الأب هو انت شفت لسه حاجه ليلتك سوده
بعد اللى جرالي ده
سمعه جرالك ايه احنا كنا بنشرب الشاي وبحكيلك وزي الفل
الأب. ..أه لغاية ما عفريتك طلعلى وهددني انك لازم ترجع الأقصر
سمعه ...عفريتي ايه بس ياحاج هو انا احكي وانت تتلبس هو اللى بنعمله في الناس هيطلع علينا ولا ايه
الاب ...بقلك ايه غير هدومك وتعالى معاي
حالا ويتركه ويدخل يبدل ملابسه نتركهم على ما نشوف هيعمله ايه
عوده الى الاقصر
يتصل الفندق ..بياسر
ياسر ...ايوه يافندم خير
موظف الاستقبال عيزينك حالا البروفسير غرفته ولعت وهو في حاله نفسيه سيئة جدا
ورافض يتنقل اي مكان الا لما تيجي انت الاول
ياسر حاضر ثواني وجاي
ويغلق معه الهاتف ويذهب يبدل ملابسه ويذهب للفندق
واول ما يصل للفندق يجد البروفيسور يجلس ويهز رجليه في حاله من التوتر والتهجس ليقترب منه يجده مبهدل وملابسه محروقه واثار من الحروق عليه والهباب اثر الدخان
ياسر في ايه وايه اللى عمل كده فيك
فيهز راسه فهو لا يفهم ماذا يقول لينادي على موظف الاستقبال ايه اللى حصل
الموظف والله يافندم ما نعرف احنا فوجئنا بالدخان خارج من غرفته واجهزة الانذار بتضرب كل ده في ثواني وخرجناه من الاوضه وهو بالحاله دي المترجم على وصول احنا كلمناه
ياسر أه كويس لأني مش فاهم هو عايز
إيه
ليأتي رشاد في ايه وايه اللى حصل للبروفسير
ياسر أسأله خلينا نشوف في إيه
ليسال رشاد البروفسير ليقص عليه ماحدث ولكنه يطلب منه ان يجلسوا في غرفه لوحدهم
ياسر اوكي ويطلب من موظف الاستقبال ان يجلسوا في اي غرفه
الموظف بالفعل حضرنا غرفه تانيه للبروفسير بدل اللى ولعت وفعلا يصعدون لغرفه اخرى
البروفسير ينظر لياسر ويتكلم
ورشاد يترجم لياسر
البروفسير ...يقص عليهم كل ماحدث له مع الجن ثم يبدأ ثانية ان هناك اشياء عند افراغ الكاميرات راها
وانهم لابد ان يعلموها وقص عليهم كل ماشك به وكل ما راه بالكاميرات
وطلب منهم ان يذهب الى المشفى فهو متعب نتركهم يودوا البروفسيور للمشفى
اما في القاهره
فقد اخذ ابو اسماعيل ابنه الى شيخ جليل فهو له معرفه بالجن واللبس
الاب ...السلام عليكم
الشيخ سلامه ...وعليكم السلام ورحمة الله وبركاته اتفضلوا
الاب ..يسلم على الشيخ ويجلس ويقص عليه ماحدث من ابنه
ويطلب من ابنه يقص عليه كل ماحدث لهم في الاقصر
الشيخ...لا حول ولا قوة الا بالله
المشكله ان في ناس معندهاش ضمير تعالى يابني اعد اودامي
ويبدأ يقرا آيات القرأن الخاصه باللبس حتى يعلم اهو فعلا ملبوس ام هو متقمص ام يمثل
وبعد القراءة يجد سمعه ينتفض مكانه فيبدا الشيخ انت مين وعايز منه ايه
الاب يرتعش فينظر له الشيخ ويشاور بيده كي يفهم انه لا يتكلم ويلتزم الصمت
الشيخ انطق بدل ما احرقك عايز منه ايه وانت مين
سمعه ...انا مش عايز ائذيه انا عايزه يساعدنا
الشيخ يساعدكم في ايه وانتم مين
سمعه...او ما على سمعه انا ادهم الجبلاوي
عايز انقذ بنتي وحفيدي
الشيخ ازاي اتكلم حفيدي محجوز في قبو القصر ممتش واللى عمل كده مش الجن
ولازم سمعه يرجع عشان اتكلم على لسانه واساعد ياسر هو الوحيد اللى يقدر يخرجه
الشيخ واشمعنى دول سمعه وياسر وليه مش اي حد من عيلتك
ادهم...مش هقدر اقلك الا لما ننقذ حفيدي لأنه هيموت لو فضل كده الولد بيكبر في سجن وهو ملوش زمب
الشيخ ..وسمعه ماله ومال كل ده
ادهم ..ملوش زمب بس لأنه نقي فكان هو السبيل لي ولحفيدي
للخروج افهم من كده انك مش عايز تأذيه
وانك هتخرج منه اول ما حفيدك يخرج
ادهم اوعدك اني هاخرج منه اول ما تخرجوا حفيدي بس لازم يروح النهارده قبل بكره حفيدي بيموت ارجوكم انقذوه
الشيخ ...انا هوافق اسيبك لغاية ما أتأكد من كلامك بس لو مش حقيقي اوعدك هنهيك
ادهم ووعد مني اني اسيبه في حاله
لتاتي رعشة لسمعه ويرجع الى طبيعته ايه ياشيخنا لقيت حاجه على زى ما بابا بيقول
الشيخ بص يابني شكل الموضوع كبير اعد هنا قدامي واحكيلي كل حاجه عن صحبك اللى في الأقصر
ويجلس سمعه ويقص كل شئ عنه وبعض الانتهاء
الشيخ ...اتصل على ابو الولد ده لأنه في خطر كبير اللعب مع الجن مبيعديش بسهوله وغير كده انا متأكد ان في انس مخاوي او بيحرك الجن ده ولازم اروح بنفسي للقصر ده الموضوع محتاج تعب خد ابنك سمعه وبكره الصبح نتقابل كلنا بعد ما تكلموا ابو الواد اللى في الاقصر ولازم يكون معانا
سمعه وليه كل ده هو في ايه
الشيخ ..يابني مفيش وقت روح لأبو صحبك وانا وراي شوية حاجات هعملها ونتقابل الصبح ان شاء الله ويتركهم يذهبون
الاب يأخذ ابنه ويذهبون إلى د/عماد ببيته فسمعه يعرف البيت
وعند وصلوهم للبيت
الاب هنقول ايه لأبو ياسر
سمعه والله منا عارف يابابا
هنقول له ايه انا اصلا مش مقتنع بحاجه
الاب ياله يابني ليكون حد في خطر وربنا يعنى على فعل الخير
ويدخلون الى المنزل فهي فيلا جميله ليدخلهم الحارس لغاية باب الفيلا ويقول للخادمة تكلم د/عماد وتطلب منه الإذن
وفعلا ماهي الا ثواني ويأتي د/عماد بنفسه
اتفضلوا انتو وقفين بره ليه
ويدخلهم الى الصالون ليجلسوا معه فتأتي زوجته لتحييهم وتقدم لهم التحيه والمشروبات وتسأل على ابنها ياسر
د/يسرا ابني مجاش معاك ليه
سمعه ..اصل جيت اشوف اهلي وجيت اطمنكم على ياسر
د/يسرا ربنا يطمنك يارب بس مش عارفه حاسه اني قلقانه عليه ليه
د/عماد خلاص يايسرا سيبيني معاهم شويه مش اطمنتي خلاص سيبيني اطمن انا كمان
د/يسرا حاضر وتتركهم وترحل
د/عماد ...حاسس ان في حاجه غير انكم تطمنوني ممكن افهم في ايه ابني جراله حاجه
سمعه ..لا ياعمو ياسر زي الفل بس ممكن نتكلم في مكان لوحدنا
عماد محنا لوحدنا
سمعه ...لا قصدي محدش يسمعنا
عماد ...تمام اتفضلوا غرفة المكتب
ويدخل معهم ويغلق الباب ليجلسوا
ويبدأ ...الاب يقص ما حصل لابنه امامه وذهابه لشيخ وتحضير ما عليه والكلام اللي قاله ثم ينظر لابنه ويقول احكي لعمك ياسمعه كل اللى حصل لكم هناك
ليقص سمعه على عماد كل ماحدث منذ وصولهم للقصر
ليقف عماد كنت شاكك ان في حاجه وابني مخبيها على لازم اروح لابني حالا لأني متأكد انه مش هينزل لو عرف اني عرفت
ابو سمعه الشيخ اتفق معانا نروح بكره لإنقاذ حفيد ادهم عصام
عماد ..وده هتنقذوه ازاي واحنا منعرفش حاجه خالص
ابو سمعه ..لاء مهو قال مكانه وقال هيساعدنا عن طريق سمعه ابني
عماد انا خايف على ابني جدا
ابوسمعه ومين سمعك بس لو في ايدنا نساعد حد نساعده
سمعه والله ياعمو منا فاهم حاجه
عماد بلاش تتصل بياسر خليها مفاجأة
سمعه ..زي ما تحب ياعمو
ابو سمعه نستأذن من حضرتك ونتقابل الصبح إن شاء الله عند محطة القطر
عماد ...قطر ايه يارجل ياطيب العربيه موجوده هعدي عليكم الصبح إن شاء الله
ونفوت ناخد الشيخ بتاعكم ونروح نشوف الحكايه ايه
ابو سمعه على خيرت الله ويرحلوا بعد الاتفاق على السفر صباحا الي الاقصر
اما عماد فقد اخرج كتاب قديم وبعض الاوراق وحضرهم لكي يأخذهم معه
اما في الصعيد
ياسر ورشاد بالمشفى مع البروفسير اللى أتأكد انه يواجه قوى عظيمه
ياسر لرشاد والعمل
رشاد لازم نروح للشيخ بدران وهو يدلنا نعمل ايه
ياسر ماشي نطمن على الرجل اللى جوه ده ونروح تفتكر هيكمل ولا كده ارتعب وهيمشي
رشاد مش عارف بس من معملتي معاهم الناس دي بتحب تغامر ومبيخفوش
ياسر ...انت شفت شكله كان ازاي اول ما روحنا
رشاد ....ده طبيعي من الموقف بس مش دليل على حاجه
ياسر وجهة نظر تعالي نشوف زمان الدكتور خلص
ودخلوا الغرفه للبروفسير اللى رجع لطبيعته وكأن لم يحدث شئ ليستغرب ياسر
رشاد يسال البروفيسور عن صحته واحواله
ليرد. البروفسير. .ليردانا كويس جدا شوية حروق سطحيه بسيطه
ياسر أسئله هيسافر امته
البروفيسور بعد سؤال رشاد
ابدا مش امشى غير لما احل الموضوع ده وخصوصا اني بدأت اعرف حاجات كتير
نقف عند هذا الحد وانمني الحلقه تعجبكم واسفه على التأخير وياريت تشاركوني زي ما عودتموني وهرد عليكم
بقلم امل الملواني ....مولي....👻👻👻👻👻👻👻👻👻👻👻👻😹😹😹😹😹😹
تعليقات
إرسال تعليق