اسرار القصر الملعون الحلقه 13
رعب وتشويق واثاره
اسرار القصر الملعون😽😽😽😽😽😽 🏰🏰🏰🏰🏰
مع الرعب والاثارة🙀🙀🙀🙀🙀 والتشويق💒💒💒💒💒
الحلقه الثالثة عشر 🏰🏰🏰🏰🏰
بقلم أمل الملواني. ...😾😾😾😾
.....مولي.....😻😻😻😻
بسم الله والصلاة والسلام على رسول الله
.............احداث سريعه عن ماحدث في الحلقه اللى فاتت ان الفتاه من الوفد حرقت تسبب قراءة تعويذه من الكتاب بطريقه خاطئة والاهم اختفاء هذا الكتاب والشك في عم ابراهيم ووقفنا ان ياسر وهو يبحث فيما ارسله أبيه فجأة بدأ يرتعش ويتصبب عرقا وينتفض لأنه
رأى شئ اخافه بشده ياترى ماذا رأي ليخيفه بهذا القدر
نبتدي علطول عشان الناس اللى معندهاش صبر
ياسر ...انتي مين وعايزه مني إيه
فأمامه جنية او عفريته فهو لايعرف اشكالهم ولا انواعهم بعد ولكن امامه شئ فظيع جنيه تحلق بالغرفه جسمها ممشوق وشعرها طويل ولكنها بالنسبه له مرعبه
لتقول له انت خايف من شكلي ممكن اغيره
ياسر ياريت لأني مرعوب بجد
لتغير شكلها على هيئة انسيه جميله
الجنيه كده اطمنت شوي
ياسر أه شوي ممكن اعرف انتي مين
لترد الجنيه ..انا الأميرة هوز غريس
وريثة عرش الملك حيتغور واخته الاصغر
عايز تعرف ايه تاني
ياسر كل حاجه انتي هنا ليه وعايزه مني ايه
لترد عليه من امامه انا عايزه منك ايه ده شرحه يطول بس نقربها ونقول عايزه اساعدك
ياسر تساعديني ازاي وانا أصدقك ازاي
الأميرة. هوز وغريس لو قلتلك اني انا اللى بساعد نورا هتطمن داخل مملكة الجن
واني كمان هكشفلك كل حاجه انت عايزها
ياسر ..وده كله مقابل ايه
الأميرة ...زكي انت فعلا اول مره اقابل انسي زكي عامة كل حاجه بأوان وفي مملكة الجن معندناش حاجه من غير مقابل
فأكيد في مقابل بس مش الواتي هقلك عليه
انت اللى يهمك تنقذ حبيبتك من ايدين الملك حيتغور صح وده بالنسبه لك مستحيل لو لوحدك بس لو ساعتك ممكن حابب تشوف حبيبتك
ياسر يقف ياريت
الأميرة ... وتقترب منه فيرجع للوراء فتقول له متخفش تعالى قرب مني ليقترب منها في خوف شديد
فتضع الأميرة يدها على راس ياسر فيرى نورا مربوطه بسلاسل كبيره وهي هزيلة وتبكي ولا تقوى على الحركه
ياسر بصوت عال نورا سمعاني
الاميرة تضحك انت مسكين اوي يا بني ادم
طبعا متقدرش تسمعك ولا تشوفك الا اذا وتصمت قليلا
لينظر لها ياسر ويقول الا اذا إيه
الأميرة. ..اتفقنا انت شايف وضعها تفتكر هتقدر تعيش اد ايه وهي بقالها ايام رافضه الاكل نهائي تفتكر هتستحمل اد إيه هاه قول
لتدمع عين ياسر ايه المطلوب مني
الأميرة مش بسهوله كده هساعدك في حاجات تخص القصر الملعون وتفك لعنته
ياسر ...انتو ليه سمتيه قصر ملعون
الأميرة...لأنه بالفعل ملعون لعنه عظيمه وفكها مش سهل خالص الا اذا انا سعتك
ياسر وانت هتسعديني فعلا افكها
الأميرة ..وايه اللى يمنع اني اساعدك مادام فيها مصلحتي
ياسر ...هو ده اللى عايز اعرفه مصلحتك ايه
الأميرة ...اكيد هتعرف بس الواتي لازم امشي لان ممنوع علينا نكون لغاية دلواتي بره المملكة وكمان مش عايزه الملك حيتغور يحس بغيابي اتفقنا مع اني مبثقش في البني ادمين وتتركه وترحل
ياسر ...يضرب على يده جامد هو انا صاحي ومبحلمش صح معقول انا كنت اعد مع واحده من الجن وبنتكلم عادي كده
لا وايه هي اللى مبتثقش في الجن ايه الكلام ده انا معتش عارف ايه الصح وايه الغلط وايه الحلم وايه الحقيقه
ليجد نداء الحق فيقول الحمدلله يارب انك معاى انا جايلك يارب احط نفسي بين ايديك انت الحامي يارب حلها من عندك ويقوم يتوضأ ويوقظ ياسر ليصلي معه والغريب انه متعبهوش قام علطول بس من غير ولا كلمه وذهبا سويا يصلون وعند عودتهم يدخل كل واحد منهم الي غرفته ليرتاح قليلا قبل بداية اليوم الشاق
اما في القاهره يستيقظ د/عماد يصلي الفجر ويجلس بعد الانتهاء من الصلاه مع امام الجامع فهو صديقه ورجل ملتزم وايضا يدرس الشريعة الإسلامية
د/عماد السلام عليكم ورحمة الله وبركاته يا استاذنا الفاضل وشيخنا الجليل
استاذ مصطفي او الشيخ مصطفى ..كما ينادونه وعليكم السلام ورحمة الله وبركاته
يا دكتور عماد عاش من شافك
عماد ...انا هنا كل يوم في صلاة الفجر بس بقية الصلوات حضرتك عارف الشغل
الشيخ .مصطفى ....اعانك الله عارف انك هنا كل يوم انا اقصد معتش بتعد معاي
د/عماد....سامحني ان كنت مقصر
الشيخ مصطفى وهو يبتسم ابتسامه خفيفه لست الومك ولا اعاتبك بل وحشتني جلستك
فأنت من الناس التي يحلو الحديث معه وقد توحشت حديثك هذا كل مافي الامر فلا تعطي الامور اكثر من حجمها
د/عماد بارك الله لك فانت ايضا من المحببين الى قلبي
الشيخ ..مصطفى خيرا ياعماد كفانا وتكلم علطول
عماد يستشعر الحرج ولا يعلم من اين يبدأ
ليزيل الشيخ مصطفى عنه الحرج اهي امور دنيا ام اخره تكلم
د/عماد والله منا عارف ياشيخنا الامر معقد بعض الشيء
الشيخ مصطفى. ..لا حول ولا قوة الا بالله تكلم ولا ترتبك فانت اخ عزيز
د/عماد وده العشم بردوا بصراحه ياشيخنا ويقص عليه كل مخاوفه وشكوكه
الشيخ .مصطفى بس دي كلها تكهنات وشكوك ربما ابنك لا يكذب لما تشك به
عماد. .مش شك على قد ماهو خوف عليه ده ابني الوحيد بردوا وخايف عليه
الشيخ مصطفى. .طالما انت وهو مع الله لا تخف حصنه وادعي له واستودعه الله وهو خير الحافظين ولا تخف ان احتجتني فأنا موجود بإذن الله تعالى مازال رقمي عندك ام اضعته
ليرد /عماد لا طبعا معاي
الشيخ مصطفى خلاص كده اتفقنا لو في اي حاجه اتصل او تعالي انا هنا علطول بإذن الله تعالى
عماد بارك الله فيك على حسن استماعك
ويودعه ويرحل الى بيته مطمئن نوعا ما
ولكنه يخاف على ابنه فهو لا يعلم ماذا يواجه
د/سمر تقبل الله ياعماد
عماد فينا وفيكي يايسرا
الفطار جاهز ولا لسه
يسرا البنات بيجهزوه ثواني جعان ولا ايه
عماد ..مش حكاية جعان وحشتني اللمه معاكم والواد ياسر وحشني
يسرا... مالك ياعماد في حاجه مديقاك
عماد ابدا بس ياسر وحشني بس مش اكتر وهو عمره ما بعد عننا
يسرا...عندك حق والله الواد ده وحشني ربنا يجيبه بالسلامه أومال لما يتجوز هتعمل ايه
عماد ...والله مناعارف بس انا هشفله شقه جمبنا انا مقدرش انه يبعد ويعد بالكم يوم مشفوش كده
نتركهم سويا ونرجع إلى الصعيد لنرى ما يحدث وسيحدث هناك
يستيقظ ياسر بعد تكاسل فقد شعر بألآم في كل انحاء جسده فقد حدث له الكثير الكثير وكيف لشخص من المجهول يعلم بعض اسرار الكون ولكنه وسط كل هذه الدربكة التي تحيط به والآلام بجسده يتذكر ذات الحسن نورا فيبتسم ويقول
*يا ساكنَ القلبِ.. لا تبرح نواحيهِ
فأنتَ من نبضهِ..! بالقربِ تُحييهِ..!!
لو صار عندَكَ.. شَكٌ أنني بغدٍ أنساكَ،..
قل لي : أينسى الوردَ ساقيه !!؟؟
إن فاضَ وِدُكَ لي ..أو لم يفيضَ فلن
يسلوكَ.... مني فؤادٌ...أنتَ تأويهِ..
روحي بروحِكَ مقرونانِ... من أزلٍ
في اللوحِ قد نُقِشَت أسماؤنا فيهِ..!!
لا لن تراني لكفٍ منكَ أُفلِتُهَا...
وغيرَ حُبك َ لا. لن أرتضي. فيه...♥️
...............بقلم امل الملواني .....مولي
ويقوم ويخرج يغسل وجهه ويبحث عن سمعه فلا يجده ليبحث في المطبخ ايجد الفطور معد على صنيه ومغطى وهو ليس موجود والله ياسمعه انت جدع بس روحت فين على الصبح كده
ويأخذ الصنيه ويخرج يفطر ويقوم يبدل ملابسه ويرى اين سمعه ليتذكر الهاتف فيأتي به ويتصل
ليرد سمعه ..صحي النوم ياكسلان
ياسر ..انت فين يابني قلقتني عليك
سمعه ...مفيش خرجت اتمشى على ما تصحى كنت مخنوق شوي قلت اتمشى الجو جميل فطرت انا راجع اهوه عشان نروح الشغل
ياسر ..أه الحمدلله ربنا يباركلي فيك ياصاحبي ويغلق معه الهاتف
ويكمل لبسه ليأتي له اتصال
ليرد على الهاتف ليجده رشاد فينكم ينفع كده مكنش عيش وملح ياخوي
ياسر سمحنا والله احنا مقصرين بس الشغل والاحداث اللى حصلت كتير جدا
رشاد خير ياخوي في ايه
ياسر ده مواويل كتير اصبر لما اشوفك واحكيلك
رشاد اجيلكم اليوم بليل اكون خلصت شغلي
ياسر ماشي ياصاحبي في انتظارك احنا بنكون بعد المغرب بالبيت ان شاء الله
ويغلقان سويا تسارع في الاحداث وتضارب في الافكار والكل يفكر
عم إبراهيم لولده سالم تعبان ياوليدي اليوم روح القصر بدالي عايز اريح مش قادر حاسس اني همدان
سالم ..مالك يابوي مش عوايدك من متى مبتروحش الشغل لو حتى مريض
إبراهيم. .العضمه كبرت ياولدي ومعتش قادر روح وكفاياك كتر كلام كفاياك حديث ماسخ
سالم ..حاضر يابوي بس شكلك مخبي على حاجه خليك فاكر ويتركه ويذهب للقصر يفتحه كالعاده ويأتي اعضاء الوفد ولكن طبعا ينقصهم الفتاه المحروقة اليد وورائهم ياسر وسمعه اللى رجع وراح القصر معاه من غير ما يقول ماله
يبدأ الوفد مع البروفسير بإخراج ادوات وينشروها بالقصر وتشغيل اجهزة تسجيل واجهزه حساسه لاستشعار اي جسم غريب
وياسر دخل غرفة المكتب يحاول البحث عن الكتاب اللى محدش عرف اختفى ازاي ولا فين ولا مين اللى خده
ليأتي البروفسير لياسر ومعه المترجم ليقول
بعض الكلمات ويترجم ورائه المترجم
المترجم ..البروفسير بيسأل عن الحارس فين
ياسر والله سألنا ابنه وقالي انه تعبان ومش هيجي اليوم
البروفسير يضحك ساخرا ويقول بعض الكلمات
لينظر ياسر للمترجم
المترجم ..بيقلك خلى بالك منه الرجل ده مش سهل
ياسر ..قله ده رجل طيب انت بس اللى مش واخد بالك
المترجم للبروفسير ويقله اللى ياسر قاله
البروفسير يرد عليه
المترجم بيقلك لا تنخدع بالشكل
ياسر اكيد هافكر بكلامك
ويتركه ليكمل عمله ومازال يبحث عن الكتاب واثناء بحثه يجد صندوق مترب موضوع تحت دولاب للفضيات فيأخذه الفضول لفتح الصندوق ليجد به بعض المتعلقات وكأنها تخص سيده وايضا اقلام واوراق وصور ليخرجها ويتفحصها ليجدها لناريمان ليقول في نفسه ياترى ايه اللى جاب الصندوق ده هنا يمسك الصور ويفرج عليها ليجد ناريمان بها سعيده تلعب وتلهو وصور مع اخيها وابيها وهناك صورة مقطوعه ناقصه ناريمان واحد معها من هو لايعلم يظل يبحث بالصندوق عن بقية الصوره فلا يجدها فيصاب بخيبة الأمل
ثم يبحث في المتعلقات الباقية ليجد دفتر وبعض الخطابات ليأخذ الخطابات ليجدها من حبيب لها على ما يبدوا ويجد اثار دموع متساقطه على الخطابات كلها فيستغرب ولكنه قرأ خطاب او اتنين ليشده الحديث بهم وتدمع عيناه فهم يتكلمون عن معاناة وظلم وقهر وانها سيفعل اي شئ حتى لا تكون لغيره ولكنه لا يعرف هو من ولكن ما لفت انتباهه لون الاظرف فهو لونهم احمر بلون الدم وهذه اول مره يرى اظرف بهذا اللون وخصوصا انها قديمه فكيف تكون بهذا اللون وكيف سيكمل قراءة الخطابات وهو لم يعد لهم وقت كبير ليرحلوا فالوقت بدأ في الظلام ودخول الليل ولكنه يفكر بأخذ الخطابات وهذا الدفتر ربما يعرف منه شئ
وفعلا يأخذهم ويداريهم ليجد صوت بجانبه ولو انا مش جمبك كان زمانك ولعت لينظر لمصدر الصوت فيجد الأميرة هوزغوريس
انتي هنا ازاي والناس لحد يشوفك
هوزغوريس ..متخفش لسه مشغلوش الأجهزة بتاعتهم وكمان انا الأميره نسيت ولا ايه انا بنت اكبر ملوك الجان بلافخر
ياسر ..خلاص عرفنا اخدهم عادي ولا ايه خدهم وخد الدفتر هيعرفك حاجات كتير بس تخلصهم وترجعهم مكانهم انا اللى ظهرته لك مش قلتلك هساعدك ياله امشى من هنا لان الملك حيتغور جاي الواتي وناوي على شر وخد صحبك لأنه مش في حالته الطبيعيه
ياسر هو ماله صحيح من الصبح شكله غريب
هوزغوريس.. خده وامشي بسرعه من هنا في حاجه هتحصل لان الملك جاي وناوي على شر شكله عرف حاجه
وتتركه وترحل
ليخرج ياسر ..ويشير للمترجم قلهم ياله لازم نمشي
البروفسير لا للمترجم وراي شغل هخلصه
ياسر للمترجم قله مينفعش لازم نمشي قبل المغرب واحنا الواتي المغرب دخل علينا
ليقول المترجم ما قاله ياسر
البروفسير ...طيب هنمشي بس امهليني دقائق
ياسر يبدأ بالتوتر فقد حزرته الأميرة هوزغوريس ويجب الرحيل والا العواقب
ستكون وخيمه ولا يعلم ما سيحدث
ليدخل سالم لياسر لازم نمشي دلوجيت
مينفعش نتاخر اكده فاهمني ولا لاع
ياسر عارف بس انت شايف عماليين يزبطوا من الصبح اجهزتهم
سالم ..مش شغلى ياولد العم اكده ممكن يحصل لنا شئ
البروفسير للمترجم تمام ياله
ولم يكمل ليجدوا الانوار تغلق وتفتح والأجهزة تعمل لوحدها وصوت بكاء وصراخ يملأ القصر وهناك اشياء تكسر وترزع وسط زهول الجميع وخوفهم
سالم انا راحل ياخوي مليش صالح بيكم
وياسر يجري على سمعه ويأخذه من يده ويحاول الخروج من القصر واعضاء الوفد ماعدا البروفسير مازال واقف في المنتصف يتابع بانتباه شديد مايحدث
نقف عند هذا الحد ونتمنى قراءه ممتعه لكم وشكرا لكل اللى شاركني الرأي بس للأسف محدش جاب توقع قريب ياله متعوضه النهارده توقعاتكم وهتوحشوني غدا ان شاء الله بقلم امل الملواني ...مولي
👿👿👿👿👿👿👿👿
...
تعليقات
إرسال تعليق