عشقت جني الكاتبه الروائيه مولي الملواني ٢

 #عشقت جني#

بقلم الكاتبة الروائية #مولى #الملواني#

الحلقة الثانية

............ 

نرمين نرمين نرمين 

تقوم مفزوعه ايه في ايه 

الام..... ايه يابت بقالي ساعه بصحي  فيكي دنتي ولا كأنك تحت الأنقاض 

نرمين...صحتيني ليه بس يا ماما دنا كنت في حلم جميل

الام.....ايه قولي كنتي عروسه

نرمين......ايه ياماما هو انتي مبتفكريش غير في كده

الأم......طبعا هو انا عندي غيرك ولا إيه

نرمين....ارتاحي مكنتش عروسه كنت في حتة جنينة 

الأم.....احكي احكي وبعدين 

نرمين....ولا قبلين صحتيني

الأم.....ياخساره كنت سبتك شويه بس شويه ايه انتي متغدتش والعشا أذنت وانا هصلى العشاء وانام على طول مليش في السهر بتاعك ده

نرمين...... بطلى يا ماما انا صحيت خلاص  عشا ايه احنا  لسه العصر

الأم....... سلامة عقلك يا بنتي بصي في الساعة ولا من الشباك الدنيا عتمه

لتقوم نرمين..... وتنظر من الشباك الصغير اللى بالغرفة فعلا صح معقول نمت كل ده 

الأم.... هو انتي كنتي راضيه تقومي دنتي خوفتيني اعت اهز فيكي  وانتي ولا هنا

نرمين..... غريبه ازاي كده انا نومي خفيف خالص

الأم..... مهو ده اللى خوفني بس شكلك لفيتي كتير النهارده 

نرمين..... جايز فعلا 

الام..... ياله هسخن ليكي الأكل  صحتك مش عجباني

نرمين.....والله زي الفل  ياست الكل ادعيلي بس وإنتي بتصلي ربنا يرزقني عشان اعوضك بس وأعدك بالبيت كفايه تعب  وشقى

الام.....راحتي في سعادتك يابنتي فكري في أحمد تاني

نرمين.....هو  سعادة الواحده يا امي في الرجل وبس سعادة الواحده لما تنجح وتحقق نفسها بعد كده  يجي دور الرجل ونكمل بعض مش يعمل على سي السيد ويفتكر انه مالكني بشقه ولقمة وهدمه كتير يتجوزوا بس قليل اللى بيعيش الحياة أساسها التفاهم يا امي فهماني

الأم..... ربنا يسترها عليكي ياقلبي  ويرزقك الزوج الصالح واشوف عيالك قبل ما اموت

نرمين..... سريعا ليه كده يا ست الكل بقولك ايه قري واعترفي طبخ لنا إيه  

الأم.....هههه تتك إيه يانرمين ضحكتيني 

نرمين.....تقبل امها بالله عليكي نجيب واحد وسطنا يقرفنا احنا زي الفل الاقي شغل بس واتفرجي هغديك كباب واعشيك حمام 

الأم...لا يا اختي تقيل على انا بنام خفيفه عايزني اتخن ولا ايه

نرمين.....وماله ربربي كده عشان العرسان

الأم.....تتك إيه يا نرمين عرسان إلا ما اتجوزت وانتي لسه صغيره وكنت في شبابي هتجوز الوقتي 

نرمين.....قومي يا حاجه صلي إنتي صدقتي ولا إيه 

الأم.....ديما تغلبيني في الحديث منتي متعلمه 

نرمين..... علم ايه ياست الكل انا تربيتك 

ويقومان سويا  لتذهب الام للصلاة أما نرمين ظلت تفكر في هذا الحلم ولكنه جميل تنطق بصوت عالي اوعدنا يارب

 ودخلت إلى المطبخ تعد الطعام ولكن وهي تدندن في المطبخ ببعض الاغاني وتعمل حركات مضحكه فهي خفيفة الظل جدا 

ولكنها استشعرت أن أحدا يقف ورائها فالتفتت سريعا ولكن لم تجد أحد 

نرمين......هلو هلو مهي ناقصه 

الأم......أنا صليت الحمدلله عايزه حاجه قبل ما انام

نرمين......طب اقعدى شويا على ما أكل حتى

الام....منتي عارفه يارتني اقدر اصحى بدرى مش زيك بصحى  الظهر

نرمين.....اتغطي كويس ومتنسيش الاذكار

الأم...تضحك هههه وانتي متنسيش كباية اللبن قبل ما تنامي

نرمين......كده مش عدل انتي عارفه اني اشربه عشان ارضيكي بس انا كبرت والله سيبك من طولي بس انا كبرت أقلها ازاي 

بس حد يفهمها

الأم....اسكتي بقه يابت انا هدخل أنام

انتى اللى يقعد معاكي ميبطلش رغي روحي كلى واتفرجي على الفيلم اللى انت مستنياه

تصبحي على خير و تتركها بمفردها

نرمين...... نشوف الفيلم بقه جه ولا لسه ياجمالو تأكل من الطبق ثم تنظر للتلفاز لتستشعر بوجود حد جمبها لتنظر فلا تجد أحد ولكنها تشعر بأن أحد يجلس بجوارها 

هو احنا اللى بنعمله فى الناس هيتعمل فينا ولا ايه  عامة انا مبخفش اللى يجي اهلا وسهلا 

وظلت تكمل طعامها ظنا منها انه ليس هناك شيء وأنه من باب الدعابة وبدأ الفيلم في العرض

وكان يحكي قصة فتاة ملبوسة من الجن حياتها تدمرت بالكامل

واصابها الاعياء الشديد  نرمين هبله كنتي حبيه كان هيتحقق كل مطالبك جتك نيله ياخيبه

الفيلم ده  وحش سهره على الفاضي اقلب أحسن وأشوف فيلم عربي  وتقوم بقلب القناة

اعملي كاسة شاي تضبط دماغي ونكمل السهرة

وتدخل تعمل شاي وهي راجعه شعرت أنها اصدمت بشيء وبعدين بقه هو في ايه النهارده 

لتجد التلفاز على فيلم آخر للجن وتستغرب هو انا مش جبت فيلم عربي ايه اللى جاب  قناة الرعب دي ماما.....لاء ماما ايه ماما زمنها بتاكل رز مع الملايكه اكيد انا مرهقه انا اشرب الشاي واقف في البلكونه شويه اشم هواء  نضيف

تجلس على كرسي وترتشف الشاي وهي تتجول بعينيها في الحي 

 لتسمع صوت التلفاز يعلو فتعود سريعا لإطفائه حتى لا تستيقظ امها فتسمع شيء سقط في الشرفة فتغلق التلفاز وتذهب للشرفة فلا تجد أي شيء قد سقط ولكنها صعقت عندما وجدت  

تفتكروا لقت إيه انتظروني غدا لمعرفة ماذا وجدت نرمين وما  هو توقعكم لما سيحصل لها

بقلمي أمل الملواني.....مولي