البوليس أصبح عريس المشهد السابع

 

البوليس أصبح عريس

المشهد السابع

بقلمي الكاتبه الروائيه مولى الملواني

🌷🌷🌷🌷🌷🌷

 في مكتب الضابط حسام

الضابط نجم..... سواق التاكسي ياحسام بي

حسام..... اتفضل انت وسيبوه ليا

حسام....... عايزك تهدى كده وتقلي اسمك ايه

السائق..... عبود العُمري

حسام..... اقعد يا عبود

عبود...... العفو يا باشا

حسام.... بنبره قويه بقلك اقعد

ويضع المجوهرات أمام  عبود

فيرتبك عبود

حسام... قلي بقه براحه كده جبت المجوهرات دي منين وازاي

عبود.... ها

حسام.... ها ايه يارجل دنتا متلبس وانت بتبعهم وعشان اوفر عليك لفك ودورانك المجوهرات  دي متبلغ عنها فبلاش لف ودوران وتعالى معايا دغري

عبود...... هقول كل حاجه  والله

حسام..... حلو قول

عبود..... في يوم كنت قرفان 🤢الشغل كان نايم وانا عليا اقساط العربيه لازم  تتسدد والا البنك يحجز على العربيه

وانا بلف في وسط البلد لقيت واحده بتجري وعماله تعيط في الاول كنت عايز اساعدها ممكن حد بيجري وراها ولا حاجه فتحتلها باب العربيه  ركبت وهي بتعيط ومنهاره

وانا بديها منديل لمحت الدهب والالمظات اللى معاها منكرش اني طمعت فيهم بس لو حلفت لحضرتك ان هي اللى قلعتهم ودتهملى  

حسام...... هههههههه ازاي بقي دابت في عيونك  

عبود...... بتردد هو ده اللى حصل بصتلى وقالتلي تتجوزني

قلتلها.... جواز مره وحده  دنا على أقساط لقتها قلعت كل اللى لبساه وادتهوني

حسام......  يارجل وبعدين

عبود.... ختها وروحنا لأقرب مأذون بس اول ما دخلنا للمأذون ارتبكت وانهارت وصرخت وجريت وبصراحه قلت خير وبركه وخت العربيه ومشيت وراها لتبلغ عني ولا حاجه  بس لقتها  راحت على بيت ودخلت فضلت تحت البيت ثلاثة ايام منزلتش خالص  قلت كده تمام وروحت ابيع المجوهرات  بس اتمسكت منحوس تقول ايه

حسام..... عارف البيت اللى نزلت فيه

عبود..... طبعا ياباشا  واوديك حالا لو عايز بس تفرجوا عني

حسام. هشوف لو هي قالت انها اديتك المجوهرات  برضاها 

ويتصل حسام...... بنجم..... تعالى على مكتبي حالا

نجم..... حاضر  يافندم ويذهب له فورا

حسام...... نجم خد عنوان البنت ولا الست دي واقبض عليها فورا وخد عبود حطه في الحجز

نجم...... حاضر يافندم

حسام..... انتي ايه حكايتك بقه غلبتيني

نجم...... يدخل على حسام المكتب انا خت العنوان وقرار النيابه بالقبض عليها جبته من اكرم هروح اجبها حالا

حسام..... هاتها في مكتب اكرم وبشروا التحقيق معاها انتم

نجم..... ليه يافندم  مش حضرتك  المسؤل عن القضيه

حسام..... مش عايزها تعرفني الوقتي لما نشوف حكايتها ايه فاهم

نجم..... حاضر  اللى تؤمر بيه ويذهب للقبض عليها ويكلم اكرم

أكرم.... خير عايز ايه

نجم..... يابني بطل الهجوم عليا دنا بحبك ❤

أكرم...... 😂 واضح إنجز

نجم..... حضر نفسك عشان أجبلك النصابه تحقق معاها

أكرم..... وليه ياعم نجم ما حسام اللى ماسك القضيه

نجم.... شكله بيخطط لحاجه  

أكرم..... ماشي ياسيدى بقالي اسبوع مش عارف اروح ربنا يخلصها على خير هانت

نجم...... فعلا هانت وبعدين دنتا روحت يانمس الا انا وحسام مسحولين بس ولا يهمك

أكرم...... خليك قُر وزن هو جيبنا الارض الا قرك الدكر ده

نجم........ ماشي يارخم سلام وصلنا لبيت النصابه سلام ويغلق معه الهاتف وينزل معه القوة

الحارس للعمارة..... خير يابيه

نجم...... في واحده ساكنه هنا مع والدتها

اسمها نيلي

الحارس..... الأنسة نيلي  اه ياباشا دي من احسن السكان  بالمبني كله

نجم....... شقه  كام إنجز

الحارس...... شقه تسعه  ياباشا

ليصعد نجم ويطرق باب الشقه  لتفتح له أم

نيلي

خير يابني في إيه

عايزين نيلي  هي فين

الأم..... اهدى بس يابني وقلي في ايه

نجم...... في القسم هتعرفوا هي فين

الأم.... ثواني يانيلي تعالى بسرعه

نيلي...... تحضر خير ياماما ودول مين

نجم...... في سره يخربيتك دنتي احلى من الصوره

نيلي....... خير في ايه

نجم..... يستفيق سريعا عايزينك في القسم  ياريت  بسرعه

نيلي...... مش اما اعرف حضرتك  مين  وعايز ايه

نجم..... انا الظابط نجم وعندي امر من النيابه بالقبض عليكي ياريت تيجي معايا وبعدين ابقي اسألى بعدين هاتها ياعسكري

وينزل وسط ذهولها وبكائها

الأم... انا جايه معاكم

نجم... للأسف مينفعش حصلينا على القسم......    

الأم...... طيب  متخفيش يانيلى انا جايه  وراكي

تركب نيلى  معهم سيارة الشرطه  وهي مرعوبه  متردده خائفه مزيج من الرعب ينتابها

في قسم الشرطه

تحديدا في مكتب الضابط أكرم

اكرم..... يجلس على مكتبه  وحسام يتكلم معه على الهاتف يمليه كل التعليمات وسيراقب التحقيق  من وراء مرأة بغرفة  اكرم حتي لا تتضح صورته فهو يعتقد ان وراء نيلى عصابه كبيره ولابد من كشفها

وما هي إلا دقائق لتصل نيلى للتحقيق

 

ليدخل نجم..... لأكرم المتهمة معانا بره ياأكرم باشا ويميل عليه تحب افضل معاك بالتحقيق

اكرم.... بصوت منخفض لا ياخفيف شفلك شغله

نجم...... انت شايف كده ولا يهمك

وينده عسكري هات المتهمة وعند دخول نيلي

العسكري....... تمام يافندم المتهمة

نجم..... روح هات اتنين قهوه وواحد ليمون

العسكري... حاضر..... يافندم  وينصرف

اكرم..... يستشيط نار من نجم ولكن يفضل الا يكلمه ويتجه ببصره لنيلي

اللى واقفه ترتعش وهي منهارة من البكاء

أكرم.... اتفضلي اقعدى وأهدى كده

انتي عارفه إحنا عايزينك ليه

نيلي...... لا

أكرم...... يخرج المصوغات ويضعها أمام نيلي

نيلي...... برعب ايه ده

اكرم...... ايه مبتشبهيش على المجوهرات دي

نيلى...... لاء

أكرم..... ههه لا بقلك ايه شغل السهوكه ده مش على ركزي كده واتعدلى عشان مطولش

نيلي.... والله العظيم ما اعرف واول مره اشفها

أكرم...... دنتي يومك معانا طويل

ليحضر العسكري القهوه والليمون

أكرم.....هات السواق اللى في الحجز عشان يتعرف عليها ونشوف اخرتها معاها ايه

نقف عند هذا الحد يتبع

تفتكروا ايه اللى هيحصل وفعلا هي النصابه ولا مجرد شبه

بقلمي الكاتبه الروائيه مولى الملواني وشكرا للي بيتفاعل

البوليس أصبح عريس  انتظروا المشهد الثامن واتمني تتفاعلوا 🌹💖