البوليس أصبح عريس الثامن

 

البوليس اصبح عريس

المشهد الثامن

بقلمي أمل الملواني..... مولى

🏵🏵🏵🏵🏵🏵🏵

يقف حسام في غرفه مجاوره يتابع التحقيق من وراء مرآه فيحتار من امره اهي ظالمة ام مجني عليها

أكرم.... في غرفة التحقيق...... انجزى وقولي الحقيقة

نيلى..... اقسملك اني معرفش حاجه  عن الذهب ده

أكرم.... تمام..... ويرن جرس بجواره فيدخل عسكري تمام يافندم

أكرم.... هاتلي سواق التاكسي من الحجز اما نشوف اخرتها معاها

نيلى...... انا معرفش مش مصدقني ليه

أكرم...... الوقتي اقلك

ليطرق العسكري الباب ومعه السائق

أكرم...... تعالى  ياعبود  تعرف الهانم دى

عبود....... ايوه ياباشا هي دى الست اللى ادتني المجوهرات  اللى قدام حضرتك

نيلى....... كداب كداب كداب  وهي تصرخ

أكرم..... لا اهدى ياقطه

عبود....... بلاش توديني في داهيه انا مش قدكم

نيلى....... انت كداب ونصاب

عبود...... الله يخربيتك  هتوديني في داهيه

أكرم...... متهيألي الانكار مش هيفيدك ده لسه في قواضي كتير ف خليكي  متعاونة أحسن  ولا ايه

نيلى...... انت عايز تلبسني قضيه وخلاص

عبود..... وحياة ابوكي قولي الحقيقة انتي مش ختيني على المأذون عشان نتجوز و إنتي  اللى قلعتي المجوهرات  دي برضاكي

نيلي.... انت بتخرف تقول ايه انا معرفكش واول مره أشوفك النهارده الوقتي حالا

أكرم...... دى احلوت قوى

عبود....... والله العظيم هي اللى ادتني الدهب وخذتني عند المأذون  اتكلمي الله لا يسيأك انا عندى عيال

أكرم..... يرن الجرس خده للحجز ياعسكري

عبود..... الله يخربيتك  ضيعتي مستقبلي وشردتي عيالي منك لله

نيلى...... اكيد الرجل ده مجنون

أكرم..... والله منا عارف مين المجنون اومال هتقولى ايه في  الاتنين اللى انتي متجوزاهم وجامعه بينهم

نيلى...... كذب والله العظيم كذب انا بنت ومتجوزتش خالص

أكرم...... وحازم اللى بعته المول بتاعه

نيلى.... كذب مفيش الكلام ده

اكرم...... والشقه اللى اجرتيها  وبعتيها بعقد مزور

نيلى...... تنهار كذب وتصرخ حرام حرام ثم يغمي عليها

ليسرع اكرم وينادى على العسكري ليحملها معه ويضعها على كنبة  في المكتب

وبحاول ان يفوقها فلا تستفيق فيطلب لها الاسعاف

ليتحرك حسام..... سريعا هي فاقده الوعي فعلا ولا بتمثل

أكرم..... لا فعلا فاقده الوعي ونبضها بيقل

ليتعاطف معها حسام رغم انه مازال يشك في كذبها

اكرم...... انا مش عارف حاسس ان في حاجه  غلط

حسام.... ماتخليش المظاهر  تخدعك يا اكرم مازلت عند راي البنت دى وراها سر كبير ولازم اعرفه

الاسعاف يحضر ويحملها فيرسل حسام معها عسكري ويطلب من نجم يرافقها

ليكمل التحقيقات

حسام... ابعت هاتلي الاتنين اللى قالوا انهم متجوزنها وصاحب الشقه وحازم بتاع المول

أكرم..... مش نستني لما تفوق يافندم

حسام.... قلبك بقي ضعيف ياحضرة الضابط

أكرم..... مش كده بس البنت منهاره

حسام...... ما تولع دى نصابه دخل عليك الكلام ده

ليسمع قلق بالخارج

حسام...... ايه الزعيق ده ويرن الجرس فيدخل العسكري

العسكري... تمام يافندم

اكرم وحسام في نفس واحد  في ايه

العسكري..... واحده بره بتقول انها والدة المتهمة واول ما عرفت ان بنتها تعبت فضلت تصرخ

حسام...... خلى حد يوديها لبنتها

ولا اقلك دخلها

اكرم..... هات امها حقق معاها وانا هتابع

ويتركه ويدخل الغرفه الاخري

اكرم...... للعسكري هات الست اللى برا

العسكري... تمام يافندم

ليدخل ام نيلى منهارة تبكي على بنتها

اكرم...... اتفضلي اقعدي

الام...... بنتي فين عملتوا  فيها ايه

أكرم...... اهدى كده احنا معملناش حاجه  لسه  بنتك متهمة في قضايا كفيله تاخد في كل قضيه سنين دى بالنسبه  لقواضي النصب اما الجمع بين ازواج شوفي انتي بقه

الام...... نصب ايه وجمع ايه ايه الكلام الفارغ ده

أكرم..... يضرب على المكتب الكلام الفاضي اللى انتي وبنتك بتعملوه متجلى دغري وعرفيني مين بيخطط لكم

الأم...... الظلم وحشوانا وبنتي اظلمنا كتير حرام...... كده حرام

أكرم.... يخرج المجوهرات..... تعرفي دول

الام طبعا الخاتم ده والأسورة الألماس وكل اللى انت شايفه

من كل واحد خطبها يعني لا نصب ولا سرقه انتو جبتوهم منين

أكرم...... لا اهدى كده واحكيلي بقي دنتي  على علم بكل حاجه  انتي اللى بتخططي ولا في حد معاكم

الام...... يابني بلاش ظلم خليني اطمن على بنتي واوعدك هحكيلك  كل حاجه  عايز تعرفها بس اطمن على بنتي الأول

أكرم..... انتي تتشرطي ولا ايه

الام..... بانكسار لا يابني ده رجاء ليرن الهاتف بجوار أكرم  فيلتقطه ويرد

حسام...... ابعت معاها عسكري يخليها تطمن عليها ويجبها تاني

أكرم..... بس

حسام...... لم يجعله يكمل نفذ ياحضرة الظابط

اكرم...... حاضر

وبالفعل ذهبت الام لبنتها بتطمن  عليها

نيلي...... ماما  خديني من هنا انا معرفش حاجه  دول يظلموني ربنا يخليكي ليا ياماما خرجيني بسرعه ارجوكي ياماما

الأم...... حاضر ياقلبي هعمل مشوار وهاجي اخرجك من هنا

نيلى..... متسبنيش ياماما انا خايفه اوى

الأم.... تحتضنها وتمسح على رأسها متخفيش طول ما انا عايشه فاهمه انتي اقوى من كده

وتتركها وتعود مع العسكري الذي ينتظرها بالخارج

حسام..... يجلس مع اكرم وفكره مشتت هل هي جانية ام مجني عليها وان كانت جانية من يساندها

وان كانت مجني عليها من الذي اوصلها لذلك

أكرم.... ريح فكرك شويه العسكري جايب امها يمكن نعرف منها حاجه

حسام....... يا مسهل انا عمري ما قبلني قضيه وحيرتني كده

أكرم..... والدة نيلى وصلت هاه تحقق معاها انت ولا انا

حسام....... لا هحقق معاها انا  خلينا نخلص

نقف عند هذا الحد وتفتكروا نيلي  مجرمة ولا مجني عليها التفاعل وحش  وميشجعش الصراحه

بقلمي الكاتبه الروائيه أمل الملواني..... مولى