البوليس أصبح عريس المشهد السادس
البوليس أصبح عريس
المشهد السادس
بقلمي الكاتبة الروائية مولى الملواني
🌹🌹🌹🌹🌹🌹🌹🌹🌹🌹🌹
في مطعم شهير
تجلس نيلى وأمها وهما سعيدتان
الأم..... ياه يانيلى بقلنا كتير مخرجناش سوى
نيلى....... عندك حق ياماما بس ادينا خرجنا عايزاكي تتبسطي وتفرحي وانسي اي حاجه تزعلك
الأم....... حاضر ياقلب امك نفسي تفتحيلي قلبك وبلاش بعدك عني انتي كل حياتي
الجرسون...... طلباتكم يافندم
نيلى...... تكلى ايه ياماما
الأم..... اللى تحبيه
نيلي...... سبيلي الطالعه دي
وتنظر للجرسون.... عايزه بفتيك ولا اقلك لا بلاش ايه رأيك ياماما نخليها اسماك
الأم..... لسه فاكره اني بحب الأسماك
نيلي....... هو انا عندى اعز منك اهتم بيه هي ست الكل واحده بس
هات لينا سمك مقلي ومشوي وجمبري طاجن ورز صياديه ولو في استكوزا هتلنا
الام...... حيلك كل ده عشان مين
نيلي...... اتفضل انت وياريت متتاخرش عشان جوعانين،
الجرسون....... حاضر يافندم
الأم....... مين هياكل كل ده
نيلي...... احنا ياست الكل
كان هناك فرقة موسيقية تعزف موسيقى هادئة
نيلي...... جميل اقوي اللحن ده يا أمي
الأم...... وحشتيني ووحشني صوتك
نيلي....... بس ولا اقلك والله منا مزعلاكي
وتقوم وتذهب ناحية الفرقة الموسيقية
الأم....... والله مجنونه مجنونه
نيلي..... ممكن اغني على لحن وطلبت منهم لحن معين
الفرقة...... طبعا واعطوها مايك
نيلي...... تمسك المايك وتبدأ في الغناء ليلتفت لها كل الموجودين بالمطعم فقد كان صوتها شجي وعذب لتنسجم معها الفرقة وكل الموجدين
ولكن هي لا تلتفت لأحد بل تغني فقط
صاحب المطعم...... ايه الصوت الروعة دي بجد صوتها بيفكرني بالزمن الجميل والطرب الأصيل
الأم.... تنزل دموعها وهي تسمع كلمات ابنتها التي تمس القلب
ليقترب من نيلي صاحب المطعم ويستمع لها وعيناه لا تفارق النظر لنيلى
واول ما انتهت من الغناء الكل صفق لها تصفيق حار
صاحب المطعم....... برافو يا انسه
نيلى...... عفوا هو حضرتك تعرفني
صاحب المطعم...... اعرفك بنفسي الاول
انا فريد البنهاوى صاحب المطعم
نيلي...... تشرفنا بمعرفتك بس خير
صاحب المطعم....... اولا بحيكي على صوتك الرائع ده بجد
نيلي...... شكرا لحضرتك ممكن استأذن لأن والدتي لوحدها
فريد....... أسف والله طب ممكن تقبلوا عزومتي لكم والطلبات كلها علي حساب المطعم
نيلي....... اسفه والله عن اذنك وتتركه وترحل
فريد...... هي ازاي عملتني كده اظاهر فهمت غلط ويلحق بها للمكان التي تجلس مع والدتها فيه
اسف يافندم شكلك فاهمتيني غلط
الأم...... خير في حاجه
نيلي...... ماما لو سمحتي ياله بينا من هنا
فريد...... والله اسف لو زعلت حضرتك بدون قصد
الأم..... اهدى يانيلى خلينا نفهم في ايه
فريد.... شكرا لحضرتك ممكن اقعد عشان اوضح سوء الفهم ده
نيلى...... يوه بقه
فريد....... ياريت حضرتك تهدى وتسمعيني
الأم...... اتفضل خير
فريد..... الأنسة فهتني غلط
نيلي....... وايه الصح وضح حضرتك
فريد...... كل ما في الموضوع عجبني صوتك وكنت اتمني لو تقبلي تشتغلي معانا هنا تغني يعني لأن الناس انفعلت مع صوتك
نيلي..... انت اتجننت ولا ايه انت عارف انا مين وبنت مين
فريد...... انا اسف مقصدتش خالص اقلل من حضرتك والله كان نفسي يكون في تعاون بس شكلي غلطت يعتذر وينسحب ولكن يكلم الجرسون بأن الحساب خالص
ويرسل لها ورده مع اعتذار مكتوب فيه
اسف وياريت تقبلي اسفي بجد
لتبتسم نيلي
الأم..... ليه كده يابنتي كان ممكن تعتذري بطريقه احسن من كده
نيلي...... مهو ياماما اللى استفزني
الأم..... انتي اللى بقيتي عصبيه علطول
الجرسون...... يحضر الطعام اي طلبات تانيه يافندم واتمني الاكل يعجبكم
نيلي...... لا شكرا 🌹واكيد الاكل شكله يشهي مرسي
الجرسون..... فريد بيه موصي كل طلباتكم أوامر
الأم..... قبل ان تتكلم بنتها اشكره لنا وقله مرسي لذوقه الراقي
الجرسون..... حاضر يافندم اتمني الاكل والمكان يعجبكم وينصرف
نيلي..... اظاهر عندك حق والله ياماما شكلي زودتها بس غصبن عني والله
الأم...... ولا يهمك ياحبيبتي قبل ما نمشي نعتذر منه على سوء الفهم وياريت تهدى ومتتسرعيش كده تاني
نيلي..... حاضر الاكل شكله يفتح النفس وتبدأ في تناول الطعام مثل الاطفال رغم عصبيتها فالبراءة تُرسم على وجهها وافعالها الطفولية تظهر بوضوح على وجهها لم تكن تعلم ان فريد يتابعها من بعيد وهو سارح في كل تفصيلة فقد جزبه صوتها ثم بعد ذلك عيناها وملامحها ثم عنادها الغير مبرر
نيلي... معتش قادره انا حاسه اني مكلتش من سنه بحالها
الأم...... هههههههههه الاكل طعم فعلا رووعه الشيف اللى هنا ممتاز فكريني اقلهم واحنا ماشيين
نيلي...... فعلا ياماما واعتذر كمان من صاحب المطعم انا عملته بقلة زوق
نتركهم سويا يستمتعان ونذهب لمكان اخر
في القسم
حسام........ ينتهي من التحقيق مع اخوة حازم
أكرم...... يدخل لحسام عملت ايه
حسام...... وصلت للأول من تاني ميعرفوش البنت خالص وهما فعلا من التحريات ملهمش علاقه بأي حاجه ولا لهم يد في اي شئ نجم عمل ايه
الملف تحت ايدك في كل حاجه وصل لها
حسام.... وانت وصلت لايه
أكرم... خت اقوال كل اللى عاملين قواضي لها والغريب الكل بيشكر فيها رغم اللى عملته والاثنين اللى كانوا هيتجوزوا مصممين كل واحد انها مراته وعيزنها
حسام...... مش فاهم حاجه قصدك ايه
اكرم.... متمسكين بيها وكل واحد بيقول مراتي ومستنيها ونفسه يلاقيها
حسام...... نجم فين
أكرم...... مش ساكت عمال يدور في كل حته عليها
ليدخل نجم....... خلاص وجدتها
حسام واكرم فين
نجم اهدوا عليا الاول انا لما قريت القواضي عرفت ان في دهب والماظ شبكه روحت لبتاع الدهب ولبتاع الألماس خت صور بالمصوغات وفرقتهم على كل محلات الذهب
النهارده بس جالي الرد من محل مصوغات في نص البلد بواحد بيبيع نفس الحاجه وطبعا اتحركت بسرعه وقبضت عليه متلبس وبعد س وج والضغط عليه قر واعترف
انه في بنت ثبتها وهي راكبه معاه التاكسي وخد منها الحاجه دي من حوالى اسبوعين بس هربت منه بعد ما قلبها بس هو فضل وراها وعرف بيتها
حسام...... ليه بقى
نجم..... ظنا منه انه يقلبها تاني وكمان عشان يعرف هتبلغ ولا لاء وعشان كده مبعش المصوغات علطول بس لما لقاها مبلغتش قال يبيعها من غير ما حد يعرف
حسام...... فين الرجل ده
نجم....
طبعا في الحجز
اكرم..... هاته بسرعه
حسام..... وفين المصوغات
نجم يفرغ حقيبه صغيره كانت بيده امام حسام
حسام.... بس تفتكروا مبلغتش ليه
اكرم..... اكيد لأنها خايفه حد يعرف مكانها
نجم...... فعلا
حسام...... هات سواق التاكسي ده بسرعه وهات امر من النيابه بالقبض عليها
نجم...... حاضر
نقف عند هذا الحد واتمني الحلقه تعجبكم بس بصراحه التفاعل مش حلو خالص
البوليس أصبح عريس
بقلم الكاتبة الروائية مولى الملواني
تمنياتي لكم بقراءة ممتعه ومازال الغموض مستمر
اتمني اشوف رايكم بالروايه
ردحذف