العصفور الاخضر
#عايزه احكيلكم حكايه قصيره من حكاوى جدتي
ماتت زوجه وتركت لزوجها بنت وولد زى القمر وكانوا صغار الولد خمس سنوات والبنت ست سنوات جلس الاب اسبوع اتنين شهر مقدرش على رعاية الاولاد اقترحوا عليهانه يتجوز
الاب مكدبش خبر وفعلا بدأ يدور ويبحث عن واحده ترضى بيه هو وعياله الاتنين
وبالفعل في واحده كانت مطلقه ومعهاش اولاد من زوجها الاول وقالت للزوج ولادك ولادي
الرجل فرح جدا وبدات الزوجه بدهائها تجعل الرجل ينسي زوجته وأولاده وكان الزوج كل يوم يذهب للعمل يرجع يلاقي الاولد نايمين ولما يسال عليهم الزوجه تقله نايمين طول النهار بيلعبوا فبيكلوا ويناموا الرجل يصدق وياكل وينام مرت الايام والرجل حتى ايام الاجازت بيشوف العيال طيف بس
رايحيين الحمام او يشربوا ولما يسال الزوجه تقله وراهم واجبات والرجل يصدق بردوا مهو مش مخونها
الزوجه كان الزوج يروح الشغل تنادى البنت والولد يكنسوا ويمسحوا وينضفوا ولا اكل ولا شرب ولما يجعوا بعض الخبز او الرز والاطفال من الخوف ساكتين مبيتكلموش
وفي يوم الزوجه عرفت انها حامل فرحتها بقت لعنان السماء ورقص وغني وتنطيط بس رجعت تفكر لو جت بنت مش هتورث كتير عشان في ولد وبنت غيرها والرجل كان ميثور الحال
فضلت تفكر والزوج كان كثير الاهتمام بها ويحضر لها المصوغات الدهبيه ويصدق كلامها إن الاولاد كويسين وبيناموا بدري وبيصحوا بدرى وصحتهم تمام والرجل كل يوم يحمد ربه على رزقه من زوجه صالحه وطيبه ومبتشتكيشمن عياله خالص لغاية يوم بعد ما خرج فكرة فكره شيطانيه عشان تخلص من الولد وبعد كده البنت بس الولد الاول
طلبت من البنت تروح تجيب حاجه من البقاله واعطت للولد في العصير منوم والولد فعلا نام احضرته للحمام وقامت دبحته كانت البنت رجعت وشافت اخوها بيدبح اعدت تعيط بس استخبت لتدبحه هي كمان بس الزوجه الجاحده مكفهاش دبح الولد لا قطعته وطبخته ولما رجع الزوج قدمته لابوه في الطبق الزوج كل ابنه وهو ميعرفش وعجبه جدا لحمه ولما سأل الزوجه مبتكليش ليه ده اللحم لذيذ جدا اتحججت بأن تلوحم مخليها متكلش اي لحوم وانها جابت كميه لما لقت اللحم حلو وعنتها له وبعد الزوج ما اكل دخل ينام هو وزوجته
جرت البنت لمت عظام اخوها وحطتها في فوطه وجرت تحت شجره ودفنتها وفضلت تبكي على فراق اخوها وامها
وهي جالسه تحت الشجره وجدت عصفور اخضر يغر ويقول
انا العصفور الاخضر
أمشى في السكه واتمختر مرات ابويا دبحتني وابويا كل مني
واختى الحبيبه لفتني في فوطه وحطتني تحت الشجره
لتسعد الفتاه لكون اخوها اصبح عصفورا وسيظل معها وفي الصباح قامت الزوجه ولتكمل مخططها بدات في البكاء والنحيب ليسألها الاب في ايه وايه اللى حصل
الزوجه المكاره ابنك طفش
الاب ازاي وليه الزوجه غيران عشان انا حامل وكان بيقلي ازاي تجيبي لي اخ
الاب.... خلاص يغور هو اللى اختار
الاخت عماله تبكي على كذب زوجة الام وتصديق زوجها لها ولكنها لا تسنطيع البوح بما رأت
لتصمت الفتاه وبعد عدة شهور الزوجه الحقوده اعطت الفتاه كوب عصير وفعلت بها نفس ما فعلت بالولد واطعمتها للزوج الذي استغرب نفس طعم اللحم وطلب من الزوجه عدم تغير الجزار التي تشترى منه لتضحك الزوجه الف هنا ياحبيبي ثم يدخلان غرفتهم وينامان وفي الصباح تقوم الزوجه وهي منهاره وتبكي وعند سؤال الزوج لها
الزوجه... بنتك طفشت
الزوج ازاي دنا هقتلها
الزوجه.... شكلها راحت مع أخوها
الاب.... صدق وقال كفايه عليا انتي وابني ولا بنتي
الزوجه يمكن يكون توم
الاب.... احسن ربنا يعوضني بيهم عن اولادي اللى طفشوا
تفتكروا حصل ايه
بقلم #أمل الملواني..... #مايه
يتبع
#العصفور الاخضر
الجزء التاني
مرت الايام والاب غافل عما فعلت الزوجه
ولكن امر الله كان نافذ
بدات اشهر الحمل تكتمل والزوجه سعيده ان اولادها من سيرثون البيت والمال وانها قضت على الاولاد ولم يعلم بها احد ونست ان الله يراها وان عدله نافذ
الرجل بعمله ولكنه يتذكر اولاده ويغضب
كيف يرحلون هكذا ولكنه يتذكر منذ ان تزوج لم يجلس معهم ولم يسمع لهم وانه اخطأ في حقهم وانه ملام على تقصيره ولكن زوجته لم تشتكي منهم ولكنه ايضا مخطأ كيف اهملهم هكذا ليذهب للقسم التابع له ويبلغ عن اختفاء اولاده وقص للظابط كل ما حدث من يوم موت زوجته الاولي
الظابط......انت بتتكلم جد ازاي تهمل ولادك ولما زوجتك قالت انهم طفشوا صدقتها من غير ما تدور عليهم دول اطفال حتى لو اخطأم كنت لازم تشوف السبب وتعالجه
انا مش مطمن لكلامك ده بس هعملك بلاغ وعايزك تعمل اللىى هطلبه منك بالحرف
الاب.....تحت امرك بسرجعلى ولادي انا ندمان وغلطان
الظابط.....متعرفش زوجتك انك بلغت واسألها بعد ما تراجع غرفة اولادك وتشوف فيمتعلقات اختفت هدوم اي حاجه بيحبوها
الاب.....حاضر
الظابط.....وبلغني وهقلك تعمل ايه
الاب....اسأل الزوجه على ايه
الظابط.....اسألها ولادي خدوا حاجه معاهم وهما بيطفشوا
وشوف ردها وقلي
الاب.....يذهب للبيت سريعا وكونهجلس مع اولاده عدة اشهر كان يعلم كل صغيره وكبيره عند الاولاد وعند وصوله البيت كانت الزوجه بالمطبخ تعد الطعام
دخل غرفة الاولاد ولم يجد اي شئ ناقص في ملابسهم او أدواتهم وحتى الاحزيه والملابس فيتعجب ولكنه لم يعقب
وذهب لزوجته التي تفاجأت به ولكنها دارت
وسريعا ايه اللى جابك بدرى
الاب....وحشتيني يا أصيله وقلت انتي تعبانه استأذن واجي أقعد معاكي اساعدك
الزوجه....ربنا يخليك ليا ياروحي
انا اصلا خلصت الغدا لو حابب اضع الطعام
الزوج....اة ياريت
وهم يجلسون يتناولون الغداء
الاب....كنت عايز اسألك سؤال
الزوجه......اتفضل
الاب....هما الاولاد لما طفشوا خدوامعاهم حاجه
الزوجه.....وجهها يختلف ويبدوا عليها التوتر ليه السؤال ده
الزوج.....اصلهم اطفال وتوقعت يرجعوا بعد يوم اتنين شهر هيصرفوا منين
الزوجه....بمكر ودهاء...دول عيال جاحده مدورش عليهم كنت مهنياهم وطفشوا مفهمش خير لك وانا مكنتش عايزه ازعلك سرقوا الدهب بتاع امهم وفلوس من الدولاب بس سكت عشان مزعلكش
الزوج....لاحول ولاقوةالابالله وليه معرفتنيش كنت بلغت وجبتهم وعرفت اربيهم كويس
وينظر في الساعه بقلك ايه في واحد صحبي جاي عشان عايز مني خدمه هقبله وارجع علطول
الزوجه....غريبه مين ده وعايز ايه
الزوج.....بصى كنت ناوي اعملهالك مفاجاه تحبي تعرفي ولا اخليها مفاجأه
الزوجه....لاء اعرف
الزوج.....برحتك كنت هشوف بيت جديد البيت ده بقى تعبني نفسيا
الزوجه وتكتبه باسمي او اسم العيال
الزوج....بس كده عيوني بس اعملي حسابك هيجي يشوف البيت هنا لانه بدل وهدفع الفرق
الزوجه.... لتاني مره ترتبك ثم تتمالك نفسها
وماله
ويذهب الرجل للظابط ويبلغه بكل ما حدث
الظابط... لانه ذكي ومحنك في مهنته شك بها وتأكد انها وراء اختفاء الاولاد
ليبدأون بوضع الخطه للايقاع بالزوجه
الظابط.....لنفسه لازم اعرف الاولاد فين
لبيدل ملابسه ويذهب لبيت الرجل على انه المشتري واثناء الفرجة على البيت وعند وصوله لغرفة الاطفال انت بخيل ولا ايه مفيش فنجان قهوه
الزوجه....على الفور لا طبعا ازاي
يتبع بقلم #أمل الملواني....#مولي
تفتكروا هيوقعوها ازاي
العصفور الاخضر
الجزء التالت
........
اثناء تجوال الظابط بالمكان كان يتفحص البيت بدقه ويتفحص تعابير وجهه زوجة الاب فهو دقيق ومحنك بعمله ولكنه حاول التظاهر بفحص البيت حتى لا تأخذ حذرها وتطمئن وتصدق انه فعلا تاجر
عندما ذهبت زوجة الاب لإعداد القهوة تفحص الظابط كل شئ وتاكد من وجود خطب ما وأن هناك سر لابد من اكتشافه
وبعد قليل
عادت الزوجه ومعها القهوه لتقدمها لهم
الظابط المحنك....البيت كويس بس محتاج مصاريف وكده هتدفعةفرق كي يقفنعها بأنه مشتري
الظابط....قهوتك مظبوطه يامدام تسلم ايدك
لتضحك الزوجه الماكره
الزوج...يعني كده عجبك
الظابط.....طبعا تعالي المكتب وهنخلص ان شاء الله
الزوج.....ان شاء الله
الزوجه......هو انا مش هشوف البيت الاول اللى هنخده
الظابط والزوج ينظران لبعضهم ثم يتكلم الزوج سريعا مش لما نتفق الاول اكيد هخدك تشفيها
ليستأذن الظابط ويطلب من الزوج الحضور له للاتفاق طبعا يتفقوا يعملوا ايه
الزوج......ان شاء الله
وفي اليوم التالى ذهب الزوج للظابط قسم الشرطه ودخل معه مكتبه
ليرحب به الظابط......ويقول بالفعل شكوكي في محلها حصل حاجه غلط للاولاد بس عشان نتأكد لازم تعمل اللى هقلك عليه
الزوج.....اللى هتقلي عليه هنفذه
الظابط.......لازم تخرج مراتك بره البيت اكبر الظابطوقت ممكن وتبلغني وتسبلي مفتاح البيت
الرجل.....حاضر بس ليه
.......هركب كاميرات ونرقبها بعد اللى هقلك عليه ولازم نشوف هتعمل ايه بالظبط
الزوج......حاضر امته
الظابط......من بكره لو تعرف
الزوج......يلزمك وقت قد ايه
الظابط........ اقل حاجه خمس ساعات
الزوج...... تمام هخدها ونروح لدكتورة النسا نطمن على الحمل لأن الولاده قربت وبعد كده واخدها تشترى حاجات للبيبي
الظابط..... حلو جدا اهم حاجه قبل ما ترجع كلمني
الزوج...... حاضر
ويرحل ولكن راسه يؤلمه هل حدث مكروه لاولادي ام هم بخير ولكن قلبي يؤلمني
عليهم
الزوجه...... سعيده فقد اتفقت ان يكتب البيت الجديد لها وقد تخلصت من الاولاد
واصبحت الثروه والزوج لها وبذلك فازت بكل شئ دون ان تخصر شئ
الزوج...... يدخل ليجد زوجته شارده
الزوج..... مالك في ايه سرحانه كده ليه
الزوجه...... تتفزع في مكانها خضتني
كنت بفكر في البيت الجديد
الزوج...... سيبك من البيت وخلينا في النونو اللى جيين دول مش ناويه تجيبلهم حاجه
الزوجه... منتا شايف من يوم ما حصل الحمل والاحداث عماله تيجي وراء بعضها
وعيالك عكنوني وضيعوا فرحتي
الزوج.... وهو يحترق من الداخل معلش ياقلبي فكرتيني ليه بس دول عيال عقين رغم انهم صغيرين
طبعا بيقول كده عشان يشوف رد فعلها
الزوجه..... وقد لمعت عيناها ورسمت الابتسامه على وجهها ربنا يخليك ليا يارب
الزوج..... ويباركلى فيكي
اعملى حسابك هنرو ح بكره للدكتوره وبعدين نجيب حاجة البيبي
الزوجه....وهي سعيده ولا تعلم ما ينتظرها
تقبل زوجها والضحكات تعلو وجهها
ليضحك الزوج....ولكن قلبه جريح حزين فهو الشك يقتل قلبه هي هذه الزوجه التى أئتمنها على نفسه وبيته واولاده تكون بهذا السوء واين ذهبت بأولاده
وتنقضي الليله لياتي اليوم التالي الزوج هروح اخد اجازه واجيلك اجهزى
الزوجه...وتاخد اجازه ليه بعد الشغل عادي
الزوج....مخرجناشمن زمان هغديكي بره انتي لازم تغيري جو
الزوجه.....وكلها فرحه تمام هاجهز واستناك
ليرحل الزوج......ويذهب للظابط ويتفق معه علىىكل شئ ويعطيه مفتاح للبيت
الظابط....ياخذ معه خبير كاميرات وخبير جناىي لفحص المنزل جيدا ما لم يتوقعه ان تكون قتلت الاولاد
ولكن بعد رحيل الزوج وزوجته يدخل الظابط البيت ولكن الغريب وجد عصفورا اخضر كبير يحيط به ثم يسبقه لغرفة الاولاد
فيذهب الظابط ورائه وهو مستغرب من هذا العصفور الذي يقوده لغرفة الاطفال
ولكن قلبه يدله ان يذهب ورائه
وبالفعل دخل ورائه ليجد العفورينبش في شئ فوق الدولاب
ليصعد ويجد دفتر صغير ومعه صورة الولد
لياخذه وعند فتحه وجد في اول صفحه الطفله تتكلم عن ضرب زوجة الاب وتعنيفها لهم وجعلهم يكنسون ويمسحون وعند الجوع تعطيهم بعض قطع الخبر او القليل من الارز الفاىض منهم وتوعدهم
ليدخل عليه اخصائي الكاميرات ويقول لقد انتهيت
الظابط......وكانه وجد كنزا فاخذ الدفتر وظل يبحث عن العصفور فلم يراه بعد ما دله على الدفتر ليستعجب أين ذهب وخرج مع الخبير ليجد الخبير الجناىي لقد وجد اثار لدماء في دورة المياه واخذ منها عينه ليفحصها ويخرجون جميعا وفي هذا الوقت يتصل الزوج
الزوج.....ايه الاخبار
الظابط......مش قلتلك في حاجه حصلت غلط
الزوج......لقيتوا حاجه
الظابط......هنشوف عايزك لما ترجع تعمل اللى قولتلك عليه
الزوج.....حاضر
الظابط.....اوعي يبان عليك حاجه
الزوج......ان شاء الله لاء
ويغلقان سويا ليذهب الظابط لبيته ويقوم بوضع الدفتر امامه
ويقوم بتبديل ملابسه وطلب كوب شاي وجلس واحضر الدفتر ليكمل ما كتبته الطفله البريئه لتفر الدموع من عينيه ايمكن ان يكون هناك بشر مثل هذه السيده
ثم وصل لما فعلته بالابن ليصرخ لاء لاء ازاي تعمل كده
لتدخل الام.....مالك ياحبيبي في ايه
الظابط.....رغم انه مؤهل لسماع هذه الجراىم ولكن لا يعلم لما انصدم وبكي ليرمي نفسه في حضن امه ويقول لها قتلت البراءه بدم بارد ولم تكتفي بل اطعمت الرجل ابنه دون علمه لتبكي الام ياساتر يارب في اي عصر نحن اللى بتقوله صح يابني
الظابط....هتاكد يا امي البنت كاتبه انها دفنت العظم تحت الشجره في فوطه بيضه
الام....ربنا يعينك يابني
يقوم الابن يرتدي ملابسه وياخذ الدفتر معه فلن ينام له جفن حتى يتأكد من صحة ما قرأ
ويذهب ليطلب إذن من النيابه باستخراج العظام وتحليلها
وبالفعل يفعل كل هذا فلن ينام له جفن بعد الذي قرأه
ويذهب لمكتبه في قسم الشرطه ويكمل القراءه ليجد العصفور الاخضر امامه يغني اغنيته الحزينه التي لا يردد غيرها
انا العصفور الاخضر الاخضر
امشى في السكه واتمختر
مرات أبويا دبحتني
وابويا.........كل مني
واختي الحبيبه لفتني في فوطه
بيضه وحطتني تحت الشجره
الظابط...يسقط على الكرسي مكانه وهو دموعه تنهمر على خديه كيف ذلك
ليقف العصفور على كتف الظابط الذي تعاطف معه ومع ما حدث له
وظل يكمل القراءه ووقف عند اخر كلمه للطفله
وهي مرات ابي تنوي قتلي وجعل ابي يأكلني زى اخي فهي لا تريدنا فقد قالت لي هذا في الصباح
ظل الظابط.....يبحث في بقية الدفتر فلم يجد كلمه اخري ولكن الثابت الان انها قتلت الولد هل ايضا قتلت الفتاه
هذا ما سنعرفه
الزوج.....رجع مع زوجته السعيده
وظلت تتفرج على المشتريات وحاجات الاطفال وهي لا تصدق نفسها
الزوج.....عايز أنام انا تعبان
الزوجه.....نام ياحبيبي وتنام هي كمان وكانها ملكت العالم ونست ان الله يراها وان العدالة يجب ان تأخذ مجراها
ليقوم الوج فيمنتصف الليل مفزوع ويفعل كما قال له الظابط بالظبط
الزوجه.....خيرمالك
الزوج.....ولادى
الزوجه....وقد ظهر عليها الغل والحقد مالهم ما غارو
الزوج......لاء شكلهم في محنه انا شفتهم بينادوا على
الزوجه....استهدى كده وان شاء الله خير
ليشرب الزوج بعض الماء ويفتعل النوم ليرى الزوجه لم تنم ويبدوا عليها القلق
وفي الصباح
ظهرت نتيجة تحليل العظام لتثبت انها للولد بالفعل
الغريب.....ان العصفور ينام بهدوء امام الظابط الذي مازال يذرف الدموع على هؤلاء الاطفال
وكيف اكل الزوج ابنه وكيف لم يعلم
ايخبره ام ينتظر
ظل الظابط في حيرة من امره حتى أتاه خبير الكاميرات وقال له ان هناك شئ يحدث غريب بالبيت
ترى ماذا يحدث وهل ستخرج منها فالقانون اعمي لا يرى سوى الادلة الدامغة والقرائن وكلام الطفله ربما كلمات وليس هناك دليل مادي
يتبع.....بقلم امل الملواني مولي
#العصفور #الاخضر
الفصل الرابع والاخير
........بقلمي امل الملواني....مولي
بين الحصرة والالم والاهمال تنكشف الحقائق وتذهب الغمه لتظهر الحقيقة كاملة
.......
الظابط في ذهول هل ما يراه في نتيجة تحليل العظام لتثبت انها للولد حقيقيه ليأتيه الخبر الاخر من الطب الجنائي ان الدم للطفلان ليضرب الظابط كف بكف كيف سولت لها نفسها فعل ذلك كيف طوعتها وهي على مشارف الأمومة وما هو الدافع ومن ساعدها في هذا لابد من معرفة كل شيء
ليدخل عليه الزوج وصلت لحاجه يافندم
الظابط..... ينظر للزوج ولا يعلم ليخبره ام يصمت حتى تظهر الحقائق امامه بالبينة والبرهان
ليدخل عليهم مراقب الكاميرات في حاجه بتحصل ولازم حضرتك تشفها حالا
الظابط..... يقوم سريعا ليرى ما يحدث ويتبعه الزوج
ليجدوا الزوجه تخرج اكياس من الفريزر وتتخلص منها في كيس قمامه كبير وتخرجها وبالفعل تضعها في القمامة
ليتصل الظابط بالمخبر الواقف عند البيت ويأمره بإحضار الكيس المرمي بالقمامة
وبالفعل يحضره وعند فحصه تبين انه اكياس لحم مقطعه بعنايه
الزوج.... دي اللحمة اللى بتجبهالي مخصوص من جزار بس لحمه تحفه رمتها ليه المجنونة دي
الظابط..... ويخاف ان يقول له الحقيقة ولكن ليقوموا بتحليل اللحم اولا حتى تتبين الحقيقة
ويجدون الزوجه تنظف الثلاجه جيدا
وتلقى اشياء كثيره من البيت ولكن المخبر يلم ورائها ويرسل الاشياء للطب الجنائي لفحصه
لتكتشف الحقائق ولكن السؤال كيف اثبات الجريمة عليها فقد تخلصت من كل الادلة
حتى وان كان شاهدوا هم ولكن كما قلنا سابقا أن العدالة الإلهية لابد لها من اخذ مجراها
الزوج بعد معرفة الحقيقة ينهار ولكنه لم يعرف انها قتلتهم فقط هذا ما ذكره الظابط المحنك ولكن الاب استنتج انه اكل اولاده لينهار ويجهش من البكاء الحار كيف اكل اولاده ولم يشعر ولم ينتبه لا وكمان كان يتلذذ باللحم ويتذكر عندما قال لها انه لحم لذيذ كلي لم تمد يدها وتحججت بالوحم والحمل ليضرب راسه بيده ويقع على الارض
الظابط.....يحاول تهدأته كي يكملوا ما بدأوه
ويطلب له عصير ليمون
ولكن الرجل يستعيد نظرات اولاده ونظرة بنته له بعد اختفاء ابنه وكأنها كانت تستغيث به ولكنه كان أعمي القلب والبصيرة فقد أعمته تلك المرأه بالحب الزائف
وجعلته ينقاد ورائها ويسمع لكل حرف تقوله ولكن هل هذا كله سيعيد أولاده هل هذا سيعوضه عن ما حدث
ليمسح دموعه وينظر للظابط بأعين مكسوره ونبرة حزينه دلني اجيب حق عيالي
الظابط.....لو عايز تجيب حق عيالك فعلا لابد ان تتماسك كثيرا وليس قليلا
الرجل.....ياريت تدلني اعمل ايه بطني بتتقطع كل ما افتكر إن ولادي نزلوا فيها اعدمني وريحني
الظابط.....انت معلكش ملامه انت مكنتش تعرف اللوم والعتاب انك سلمت الأمانة لست لا تعرف الرحمة ولا تعرف الله
الزوج.... المشكله الوقتي انها حامل في ولادي
اعمل ايه مات اتنين واتنين ربنا الاعلم مصيرهم ايه
الظابط......سلم امرك لله وحط ايدك في ايدى لازم العدل يأخذ مجراه فاهمني ولا لاء فوق من اللى انت فيه هي غلطت ولازم تتعاقب بس بالقانون فاهم ويمسكه من كتفه فوق لازم تتعاقب وولادك انت اللى هتربيهم فاهم
الزوج.....فاهم حاضر حاضر
الظابط.....ايوه كده فوقلي بقه واعمل اللى هقلك عليه احنا مراقبين زوجتك كويس جوه وبره الباقي عليك انت
الزوج.....اعمل ايه وانا هنفذه علطول يمكن ده يخفف حسابي و يخفف ذمبي
الظابط..... ان شاء الله دي شيطانه مش انسانه
ويبدأ يملى على الزوج ما يفعله
ليذهب الزوج.....لبيته في حالة لا يرثى لها كما امره الظابط ان يستفيد من وضعه وهيأته حتى لا تشك الزوجه فيه
الزوجه.... في ايه مالك
الزوج...... لقوا عيالي
الزوجه.... ازاي يعني لقوهم
الزوج.... اتخطفوا واتسرقت أعضائهم ولقوهم مرميين في الزباله
الزوجه......بخوف اي.... زباله.... فهمني تتكلم بخوف وارتباك
الزوج......في المقلب الكبير
الزوجه.....وهما عرفوا منين انهم ولادك واحنا مبلغناش اصلا
الظابط.....كان نبه الزوج للكلام ده وفهمه انها هتقول كده
وبالفعل الزوج.....دون ارتباك منا لما حلمت بيهم من كم يوم خفت يكون فيهم حاجه او الحكومه تلاقيهم وتعاقبني اني تركتهم للشارع بلغت
وخدوا بيانتهم ووعدوني انهم هيدورا عليهم
وبكده ميكونش انا او انتي علينا مسؤوليه
الزوجه....وليه مقلتش ليا يعني
الزوج.....خفت عليكي وعلى اولادي ومحبتش ازعلك انتو الوقتي عندي اهم من اي حاجه كفايه ولادي
الزوجه.....بمكر وعرفوا ازاي بردوا انهم ولادك ممكن عيال تانيه مش ولادك
الزوج.....وقد كان الظابط توقع كل اسألتها
الزوج..... مهما تصلوا بيا من ثلاث ايام وطلبوا عينه مني لتحليل Dna عشان يعرفوا هما ولا لاء
وطلعت لسه النتيجه الوقتي ويبكى وينظر لها ليرى الارتباك والخوف عليها وتأكدوا انهم هما والبحث جاري عشان يعرفوا الجناة عن اذنك اصلي تعبان ويدخل الغرفه ويتركها ولكن الكاميرات تلتقط كل حركه والضابط يتابع وينتظر اي خطا منها فهم يراقبونها بأمر من النيابه
الزوج.....يدخل الغرفه ويحاول تمالك اعصابه ولكنه يبكي بكاء مرير ويقول حسبي الله ونعم الوكيل فيكي ياظالمه عملوا ايه بس عشان تعملي فيهم وفي كده وذمبهم ايه اولادي وانا ليه ليه كلده
الزوجه....تجلس في حيرة من امرها يارتني ما رميت لحمهم كنت اكلته له زي الباقيين عملت كده اذاي وعقلي كان فين اعمل ايه الوقتي ولو كشفوا امري هيعدموني والرجل ده مهما كان بيحبني مش هيرحمني
مفيش غير حل واحد الم الذهب والفلوس واهرب من البيت واختفي عن الانظار نهائي خالص
كل ده طبعا والكاميرات مراقبه كل حرف وكل كلمه
دخلت الزوجه على الزوج لتتفقد هل هو نائم ام مازال مستيقظ لتجده نائم هذا ما ظنته هي
في الوقت ده كان الظابط سجل اعترافها صوت وصوره واخرج امر من النيابه بالقبض عليها
لتلم الزوجه كل ما تستطيع حمله وتهم بالفرار من البيت كيف اكتشاف جريمتها كما تظن
وعند خروجها من الباب تجد سيارات الشرطه تحاوط المكان فتحاول الهرب ولكن احد الظباط يخرج مسدسه ليرعبها لتقف ولكنها لم تقف وتجري خوفا ورعبا وقد استيقظ الزوج وخرج ليرى ما يحدث خارجا
فينظر للظابط أولادي محدش يأذيهم
الظابط..... ولسه هيقول محدش يضرب نار ولكنها ثواني عده ووعد الله ينفذ تخرج طلقه تأتي في بطنها فتنفجر فتجد أولادها الاثنان امامها مرمين على الارض وهي بجوارهم ولا تستطيع النفس لتخرج نفسها بصعوبه
ليجري الزوج على اولاده ليجدهم ميتين
والزوجه تخرج في الروح
الزوج......سؤال واحد بس عملتي كده ليه
الزوجه.....بصعوبه....ع...ع...عشان الطمع....و والفلوس سامحني
الزوج....مقدرش اسامحك منك لله موتي عيالي الاربعه ويتركها وهو يبكي ولكن يحتضن اولاده وهو يبكي
الظابط.....يتأسف لما حدث فلم يكن يريد ما حدث وينظر للظابط الذي اطلق النار
الظابط.....غصبن عني والله يافندم
لتحضر الاسعاف وتاخذ جثة السيده والأطفال
الزوج....وهو يبكي ياريت تجمعوا عيالي الاربعه عشان ادفنهم ويرتاحوا
الظابط طبعا
وبعد يومين استخرج الظابط تصريح دفن واعطاه للزوج ومعه الاربع جثث وتم دفن الاربع اولاد مع بعضهم مع الزوجه القديمه وسط بكاء كل من يعرف القصه ويقال ان الزوج عاش على ذكراهم وتبرع بكل ثروته لملجأ ايتام وطلب ان يكون خادم لهؤلاء الاطفال عوضا عن اهماله لأولاده ويقال ايضا ان العصافير الاربع عاشوا معه بالملجأ والجدير بالذكر ان الرجل كان يكلمهم ويبكي دائما
بقلمي #امل الملواني....#مولى
اسفه لو الروايه احزنتكم ولكن لا اعلم اهي من خيال جدتي ام حقيقة حدثت بالفعل
انتظروني مع حكايه جديده من حكايات جدتي اذا اعجبتكم لا تبخلوا بالتعليق عليها في انتظار رايكم اكمل ام لا حكايات جدتي
تعليقات
إرسال تعليق