البوليس أصبح عريس

 

سكريبت

البوليس أصبح عريس 

للكاتبه الروائيه مولى الملواني 

المشهد الثاني

🌺🌺🌺🌺🌺🌺

يسترجع حازم  كل ما حدث  بعد موت ابيه

الاخ والاخت انت سرقت فلوس بابا 

حازم…… عيب كده  انا طول عمرى شيلكم وغير كده عمري ما اهتميت بنفسي

الاخت…… اة عشان كده قاعد في فيلا  ومعاك عربيه اخر موديل ويا عالم  في ايه تاني

حازم….. انا مصدوم فيكم

الفيلا كانت هدية بابا لى عشان تعبي طول عمري معاه بالمصنع والشركه 

والعربيه دى من نسبتي زيكم بالظبط من الارباح اللى كنت ببعتهم لكم كل اخر سنه  ماليه

الاخ….. وعيزنا نصدقك صح

حازم…… تصدقوا متصدقوش ميهمنيش المهم الوقتي الشركه والمصنع لازم يفضلوا شغالين عشان اسم ابويا

مدحت….. انت بتحلم احنا لسه هنسيبك تسرقنا

حازم….. عيب كده يا مدحت انا اخوك الكبير 

وياسيدى انزل امسكه معايا المهم نحافظ على اسم بابا اللى قعد يكبره عمره كله 

هند……. للاسف الاوبشن ده انتهي انا محتاجه فلوس افتح مشروعي ااخاص

حازم….. وايه المشكله اخر السنه الماليه بيطلع مبلغ حلو غير نصيبك من فلوس بابا اللى في البنك

هند……. للاسف ياحازم احنا مش مأمنينك انا ومدحت واحسنك نبيع الشركه والمصنع ولو معاك سيوله شيل

حازم….. للاسف معيش يغطي الكلام ده  هو انا حرامي ده اخرتها واخرت تعبي وشقايا وحضرتك بتسفري امريكا تتعلمي هناك 

ولا حضرتك اللى مقضيها سهر وخروجات 

خلاص نسيتوا كل حاجه  وهمكم الفلوس وبس واسم ابوكم اللى هيتمحي عادى كده مفيش اي مشاعر نحيت الرجل اللى بعد موت امكم رفض الزواج عشان ميدخلش حدغريب عليكم

مدحت….. فكك من الكلام ده كله عشان مش  هيجيب  نتيجه 

ليطرق احد الباب

حازم…… ادخل

السكرتير….. فريد المنصورى بره يافندم

حازم….. عايز ايه ده مفيش ميعاد بينا

مدحت…… روح انت ياسامح وقله ينتظر ثواني

حازم……. يروح ايه  ومين ينتظر هو في ايه

مدحت…… فريد وافق يشترى المصنع والشركه والفيلا بتاعت بابا كمان عشان نخلص وعارض مبلغ حلو 

ليجلس حازم  على المقعد وكأن حمل ثقيل وضع على ظهره  هان عليكم حتي البيت اللى جمع ذكريتنا كلها عايزيين تبعوه ايه الجحود ده هو ابوكم  يستاهل منكم كده

هند……. حط مشاعرك على  جمب بالله عليك  عشان نخلص وكل واحد  يشق طريقه

مدحت…… صح كده يا تخلص النهارده يا اما هندخل المحاكم ووجع دماغ

حازم…… لا وعلى ايه هي فيها محاكم كمان  

بس فيلة ابويا مش هتتباع

مدحت….. ليه بقي ان شاءالله 

حازم…… شوفوا قدرتوها بكم واخصموها من حصتي بس اعملوا حسابكم بعد ما تخدوا حصتكم من الميراث مش عايز اشوف حد  فيكم فاهمين ولا لأ 

هند ومدحت  في نفس واحد كنا ناوين اصلا متخفش

حازم….. رن الجرس للسكرتير ليحضر

خلى فريد بي يتفضل

وبالفعل تم البيع  وافترق الاخوه ولكن النفوس تحمل في طيتها الكثير من الالم والحزن والكره الذي اصبح بين الاخوه

عوده للواقع

حسام……. ياه ياحازم دنتا مريت بوجع كبير

حازم……. ده قليل من بعدها فضلوا كل ما اعمل مشروع يحربوني بكل الطرق اتحدوا الاتنين عليا عشان ناجح وبتقي ربنا وفاكرين اني سرقت فلوس ابوهم ويشهد الله  انه لم يحدث ما يفكرون فيه

حسام….. مصدقك بس ايه سبب العداوه الكبيره دى من اخواتك اكيد في سبب 

حازم…. لان انا كنت بطيع ابويا وبحترمه  وشايل عنه الحمل  فكان بيحبني وياخد راي في كل كبيره وصغيره هما افتكروا  اني بعمل كده عشان  اخد منه اللى انا عاوزه

حسام…… تمام 👌 هنجيب اخواتك نحقق معاهم بس لازم تيجي  بكره للرسام بتاع الداخليه عشان كمان يرسم البنت  عشان  نقدر نجبها

حازم…… حاضر  يافندم بس ارجوك مش عايز اوصيك لان ده  كل ما املك المول ده 

حسام…… سبها على الله ارتاح انت الوقتي زمانك تعبان ولما تفوق  بكره تعالالي عسان نكمل

حازم….. 

ان شاءالله  وشكرا بجد لذوقك واهتمامك

حسام….. ده شغلى يا حازم  مع السلامه

حازم….. يرحل وكله وجع  والم لما يحدث له مايحدث  ولما الدنيا تعانده فلم يفعل مايغضب الله ابدا ليصل للنيل فيجلس في سيارته يفكر في  كل مايحدث  له

ليمر به مجذوب وهو يقول… اصبر ان بعد الصبر جبر وفرج مادام والديك راضيين عنك

يا حامل الهم ارمي همومك على الذي لا يغفل ولا ينام

حازم…… ينادى عليه ويخرج مبلغ مالى ليعطيه له ولكن الغريب لم يأخذ منه سوي عشرين جنيه

حازم….. كلهم لك خت دى بس ليه

المجذوب….. يابني انا لا ليا بيت ولا عيال دى هتعشيني والحمد لله الباقي هعمل بيه ايه

روح يابني وارمي همومك على الذي لا يغفل ولا ينام

حازم….. وانت عرفت منين اني مهموم

المجذوب……. حالك باين مش محتاج لكلام روح يابني ربك محتاجك تدعيله وهو هيستجيب بس  انت روحله  ده كريم وكرمه مفيش زيه ياكريم 

عبدك محتاجك خليك جمبه في محنته

حازم…… ياه عن كمية الرضا في ذلك الرجل ومرداش ياخد الفلوس كلها وخد بس عشرين جنيه  سبحان الله العظيم 

ويرحل وهو يفكر في كلام  الرجل المجذوب

ليجد نفسه يبتسم ويذهب لبيته يتوضأ ويصلي ويدعو الله ان يرد المظالم والحقوق فهو لم يظلم احد بل هو المظلوم

انتظروني لنكمل سويا فالاتي مليئ بالغموض 

للكاتبه الروائيه مولى الملواني 

البوليس  أصبح عريس 

يتبع